ABŞ-ın keçmiş prezidenti Donald Tramp Ayova ştatında Respublikaçılar Partiyası daxilində keçirilən praymerizdə böyük qələbə qazanıb.
Musavat.com xəbər verir ki, bunu Respublikaçılar Partiyasının Ayova ştatının saytında dərc edilmiş səslərin 100 faizinin hesablanmasının nəticələri sübut edir.
Səsvermənin nəticələrinə görə, Tramp Respublikaçılar Partiyasının tərəfdarlarından 51 faiz səs toplayıb. İkinci yerdə 21,2 faiz səslə Florida qubernatoru Ron DeSantis, üçüncü yerdə 19,1 faiz səslə ABŞ-ın BMT-dəki keçmiş səfiri və Cənubi Karolinanın keçmiş qubernatoru Nikki Heyli gəlir.
Musavat.com
