Tehranın mərkəzində diqqət çəkən hərbi nümayiş baş tutub.
Musavat.com xəbər verir ki, İranın İslam İnqilabı Keşikçiləri Korpusu (SEPAH) paytaxtın əsas meydanlarında raket buraxılış qurğularını sərgiləyib.
Məlumata görə, Vanak meydanında nümayiş etdirilən qurğu fonunda iştirakçılar sərt şüarlar səsləndirib. “Əgər danışıqlar nəticə verməsə, cavabınız Seyid Məcidin raketi olacaq” ifadəsi tədbirin əsas mesajı kimi önə çıxıb.
Bununla yanaşı, Tehran şəhərinin İnqilab (Enqelab) meydanında “Khorramshahr-4” tipli raketin buraxılış qurğusunun nümayiş olunduğu bildirilir.
Musavat.com






