Sovet siyasi gizli ədəbiyyatının mühüm simalarından biri, rus şairi Lev Rubinşteyn Moskvada yol-nəqliyyat hadisəsi nəticəsində vəfat edib.
Musavat.com xəbər verir ki, şair avtomobilin onu vurmasından 6 gün sonra dünyasını dəyişib.
Rusiya prezidenti Vladimir Putinin əleyhdarlarından olan Rubinşteynin ölüm xəbərini onun qızı Maria yayıb.
Qeyd edək ki, Rubenşteyn konseptualist sənət hərəkatının banilərindən biri kimi tanınırdı.
1970-1980-ci illərdə Sovet İttifaqı dövründə önə çıxan bu hərəkat sosialist realizminin rəsmi doktrinasını tənqid etmək və ənənəvi sovet dövrünün normalarını alt-üst etmək üçün sənətdə bir çox üsullardan istifadə edib.
Hərəkət sənət əsərlərinin ilk növbədə intellektual konsepsiyaya əsaslandığı və vizual formanın ikinci dərəcəli olduğu bir yanaşmanı təmsil edirdi.
Musavat.com
