BMT Baş Assambleyasının 1995-ci ildə Srebrenitsa soyqırımı ilə bağlı Qərb dövlətləri tərəfindən irəli sürülən qətnamə layihəsinin qəbulu II dünya müharibəsində nasist Almaniyası və onun tərəfdaşlarının törətdiyi hərbi cinayətlərin tanınmasını tələb edən Rusiya və Serbiyanın reaksiyasına səbəb olacaq.
Musavat.com xarici mediaya istinadla xəbər verir ki, bunu Serbiya prezidenti Aleksandr Vuçiç deyib.
“Çünki ruslar tezliklə II dünya müharibəsi zamanı rus və sovet xalqlarının almanlar tərəfindən məhv edilməsini soyqırım kimi tanımaq tələbi ilə çıxış edəcəklər. Biz almanların Serbiyada etdiklərinə və xorvat ustaşlarının (millətçilər) Yasenovaçda (konslagerdə) etdiklərinə görə də eyni şeyi tələb edəcəyik”.
Vuçiç əlavə edib ki, belə olduqda bunun Türkiyə və bəzi digər Qərb dövlətləri, o cümlədən yerli amerikalıları məhv edən dövlətlər üçün problemlər açılacaq.
Barəsində danışılan qətnamə layihəsi yeddi bənddən ibarətdir. Bu bəndlərdən birincisi “1995-ci ilin iyul ayının 11-də Srebrenitsada baş vermiş Soyqırımı beynəlxalq anma günü” elan edilməsi və hər il qeyd olunması haqqındadır.
Sənəddə Srebrenitsada soyqırımın hər hansı inkarını qeyd-şərtsiz pisləyən müddəa da var. Layihədə BMT baş katibinə “2025-ci ildə 30-cu ildönümünə hazırlıq məqsədilə “Srebrenitsa soyqırımı və Birləşmiş Millətlər Təşkilatı” adlı maarifləndirmə proqramının yaradılması və onun icrasına başlanması tələbi yer alır.
Bundan əvvəl Rusiya Federasiyasının BMT-dəki daimi nümayəndəsi Vasili Nebenzia deyib ki, 1995-ci ildə Srebrenitsa soyqırımı ilə bağlı Baş Assambleyada Bosniya və Herseqovinanın və bir sıra Qərb dövlətlərinin daimi nümayəndələri tərəfindən irəli sürülən qətnamədə heç nə yoxdur. O günlərdə baş verən hadisələrin qurbanlarının xatirəsinin əbədiləşdirilməsi ilə əlaqədar Rusiya bu sənədə qarşı çıxır.
Qeyd edək ki, 1995-ci ilin iyulunda holland hərbçilərin serb qoşunlarının qarşısından çəkilərək Srebrenitsa şəhərini onlara təhvil verməsi nəticəsində 8-10 min arasında kişi əsir götürülərək öldürülüb və minlərlə qadın zorlanıb.
Musavat.com
