Almaniya hökuməti TikTok sosial şəbəkəsində hesab yaradıb.
Almaniya hökuməti “@TeamBundeskanzler” kanalında izləyiciləri ölkə Kansleri Olaf Şoltsun fəaliyyəti barədə məlumatlandırmaq niyyətindədir.
Bildirilir ki, izləyicilər sözügedən kanal vasitəsilə kanslerin və federal hökumətin fəaliyyəti ilə yaxından tanış olmaq imkanına sahib olacaq.
Şolts məsələ ilə bağlı öz “X” hesabında paylaşım edərək TikTokda rəqs etməyəcəyini vəd edib: “Rəqs etməyəcəyəm. Söz verirəm”. (Qafqazinfo)
