Azərbaycan Prezidenti İlham Əliyev və Ermənistanın baş naziri Nikol Paşinyan Brüsseldə görüş keçirəcək. Bunu Avropa Birliyi Şurasının prezidenti Şarl Mişel öz Tvitter səhifəsində yazıb.
O vurğulayıb ki, görüş ərəfəsində gündəliyin bütün bəndləri üzrə dialoqun davam etməsi və konkret irəliləyişin əldə olunması mühüm əhəmiyyət daşıyır. "AB Cənubi Qafqazda sülh prosesinə sadiqliyini davam etdirir", - deyə o bildirib.
Görüşün nə zaman olacağı dəqiqləşməyib. Lakin görünür ki, liderlərin daha bir görüşü Rusiyanın iştirakı və moderatorluğu olmadan baş tutacaq. Bəs, tərəflər Brüssel platformasında hansı məsələləri müzakirə edəcəklər?
Sərhədlərin müəyyən edilməsi, erməni qoşunlarının Qarabağdan tam çıxarılması, Qazaxın 7 kəndi və Kərki kəndinin boşaldılması, Zəngəzur dəhlizi və kommunikasiyalar masada olacaqmı?
TVMusavat-ın canlı yayınında aparıcı Emil Salamoğlu Aydınlar Partiyasının sədri Qulamhüseyn Əlibəyli ilə Əliyev-Paşinyan görüşünə hazırlıq, “Qisas” əməliyyatını Rusiyanın sakit qarşılaması, Laçından ermənilərin çıxarılması və digər mövzuları müzakirə edirlər. Müzakirəyə tamaşaçılar da qatıla bilər.
Facebook səhifəsinin ünvanı:
https://www.facebook.com/NewMusavat
Youtube səhifəsinin ünvanı:
https://www.youtube.com/user/TVmusavat
Musavat.com
