Bu dəqiqələrdə Fransanın hərbi texnikası Gürcüstan üzərindən Ermənistana doğru gedir.
Musavat.com xəbər verir ki, “Caliber”in etibarlı mənbələrdən əldə etdiyi məlumata görə, bu saatlarda Fransanın Ermənistana göndərdiyi hərbi texnika Gürcüstan ərazisindən Gürcüstan-Ermənistan sərhədinə doğru hərəkət edir.
Xüsusilə də bu gecə Gürcüstanın Poti limanına Ermənistan Silahlı Qüvvələri üçün nəzərdə tutulan “Acmat” şirkətinin istehsalı olan Fransanın çoxməqsədli “Bastion” zirehli texnikası yola salınıb. “Bastion” üçün komponentlər də göndərilib - göndərən Fransanın “ARQUUS” şirkətidir.
Qeyd edək ki, Gürcüstan uzun müddət Fransa silahlarının Ermənistana tranzitindən imtina etsə də, indi görünür, rəsmi Tiflis buna icazə verib.
