“Ermənistanın üçüncü prezidenti eyni vaxtda Avrasiya İqtisadi Birliyi və Avropa İttifaqı ilə danışıqlar apardığını etiraf edib”.
Musavat.com telegram kanallarına istinadən məlumat verir ki, Ermənistan Respublikasının üçüncü prezidenti Serj Sərkisyan iki ildir ki, o vaxtkı Gömrük İttifaqı (indiki Avrasiya İqtisadi İttifaqı) ölkələrini Ermənistanı qəbul etməyə razı saldığını ilk dəfə bəyan edib. 2013-cü il sentyabrın 3-də Serj Sərkisyan Gömrük İttifaqına daxil olmaq qərarına gəlib. Saziş 2014-cü il oktyabrın 10-da imzalanıb və 2015-ci il yanvarın 2-də qüvvəyə minib.
Jurnalistlərlə söhbətində qərarını şərh edən Sərkisyan qeyd edib ki, əks halda ölkə iqtisadiyyatı “diz çökə” və Gömrük İttifaqı ölkələrinə ixrac və bu dövlətlərin investisiyaları hesabına inkişaf edə bilməyəcəkdi.
“Gömrük İttifaqına daxil olduqdan sonra o vaxtkı müxalifətçilər, indiki rəhbərliyin nümayəndələri bu qərarla bağlı tələsik tənqidi fikirlərə yol verdilər, lakin indi onlar Aİİ çərçivəsində əməkdaşlıqdan əldə etdikləri üstünlüklərdən istifadə etməkdən çəkinmirlər”- deyə Sərkisyan qeyd edib.
Nigar HƏSƏNLİ,
Musavat.com
