Qarabağda rus sülhməramlılarının nəzarətində olan bölgədə hələ də qalan separatçı rejimin sözçüləri Arayik Arutyunyanın dünən Təhlükəsizlik Şurasının iclasında Ağdam yolu ilə yüklərin daşınmasına razılıq verdiyi barədə məlumatı təkzib edib.
Musavat.com erməni mediasına istinadən xəbər verir ki, bu barədə Arayik Arutyunyanın mətbuat katibi Lusine Avanesyan danışıb. Onun sözlərinə görə, dünən ümumiyyətlə, “Təhlükəsizlik Şurası”nın iclası baş tutmayıb və avqustun 22 və 23-də Arayik Arutyunyan müxtəlif dairələrlə qapalı danışıqlar aparıb.
“Heç bir qərar verilməyib, lakin müzakirələr davam edir və Arutyunyan yaxın vaxtlarda yaranmış vəziyyət barədə məlumat yayacaq”, - deyə Avanesyan bildirib.
Musavat.com
