Türkiyəli müğənni Serdar Ortaç səhhətinin pisləşdiyi və intensiv müalicə aldığı barədə yayılan iddialara münasibət bildirib.
Bu barədə sənətçi instaqram hesabında paylaşım edib.
“Xəbər yalandır. Tamamilə yaxşıyam. Konsertlər davam edir”, - o yazıb.
Qeyd edək ki, uzun illərdir dağınıq skleroz (MS) xəstəliyi ilə mübarizə aparan sənətçinin səhhətində ciddi problem yarandığı irəli sürülüb. Məlumatlarda 56 yaşlı müğənninin son 15 gündə intensiv müalicə proqramına cəlb olunduğu və bu səbəbdən konsertlərinin ləğv edildiyi qeyd olunub.//Qafqazinfo
