Ukrayna mənbələri Dobropolye istiqamətində vəziyyətin daha da gərginləşdiyini bildirir.
Musavat.com xəbər verir ki, Ukrayna mənbələrinin yaydığı məlumata görə, Rusiya Silahlı Qüvvələri qərb cinahından – Şevçenko, Matyaşevo və Svyatoqorovka marşrutu ilə Dobropolye şəhərinə sızmağa çalışır. Bildirilir ki, bu marşrut üzərində yerləşən Şevçenko yaşayış məntəqəsi artıq demək olar ki, Rusiya qüvvələrinin nəzarətinə keçib.
Məlumatlara əsasən, Rusiya hərbçiləri hazırda birbaşa Dobropolye şəhərində diversiya fəaliyyətləri həyata keçirməyə cəhd edir. Ukrayna mənbələri yaxın vaxtlarda şəhərə hücum əməliyyatlarının başlanacağını və sonradan mövqelərin möhkəmləndirilməsinin planlaşdırıldığını yazır.
Musavat.com
