"Rusiya Xankəndidə niyə konsulluq xidməti açmaq istəyir? Axı Xankəndidə Rusiya vətəndaşı yoxdur, hərbçiləri də bölgəni tərk edib".
Musavat.com xəbər verir ki, bu sözləri politoloq Elxan Şahinoğlu qeyd edib.
Politoloqun fikrincə, Türkiyənin Şuşada konsulluq xidməti açılmadan Rusiyanın Qarabağda konsulluq xidmətinin açılması doğru deyil.
"Görünür, Kreml konsulluq xidməti vasitəsilə yenidən Qarabağa qayıtmaq və itirdiyi mövqeləri bərpa etmək istəyir. Bu isə Azərbaycanın maraqlarına cavab vermir", - deyə Elxan Şahinoğlu bildirib.
Qeyd edək ki, Kreml Bakıya Azərbaycan Respublikasının yenicə işğaldan azad edilmiş Xankəndi şəhərində baş konsulluq açmaq niyyətini çatdırıb.
Xalidə Gəray
Musavat.com
