“Qərb Ermənistanda yerli elitanı Moskvaya qarşı qoyaraq Ermənistanı Rusiyadan qoparmağa çalışır”.
Musavat.com erməni mediasına istinadən xəbər verir ki, bu barədə Federasiya Şurasının Beynəlxalq Əlaqələr Komitəsinin sədri Qriqori Karasin danışıb.
Rusiyalı senatorun sözlərinə görə, əslində Rusiyadan başqa dünyada erməni maraqlarını nəzərə almağa hazır olan başqa dövlət yoxdur.
“İrəvan Rusiyadan daha ermənipərəst birini tapa bilməz. Bunun bir çox səbəbləri var - tarix və qan bağlarından tutmuş, regional təhlükəsizlik prioritetlərinə qədər. Ciddi düşünməyin vaxtıdır”, - deyə o bildirib.
Musavat.com
