“Münaqişə kontekstində Ermənistan strateji seçim etməli olacaq”.
Musavat.com xəbər verir ki, bunu Ermənistan-Rusiya media forumu zamanı rusiyalı politoloq Eduard Solovyov deyib.
“Lakin güc tətbiqi təhlükəsi (Azərbaycanı nəzərdə tutur - red.) fonunda Ermənistanın baş naziri Nikol Paşinyan strateji diversifikasiyaya diqqət yetirmək barədə bəyanat verir. Yəni Paşinyan bununla Rusiya ilə bağlılığın mənfi olduğunu, başqa variantları da gözdən keçirməyin lazım olduğunu söyləmək istəyir. Lakin belə bir strateji diversifikasiya hazırda mübahisəli görünür. Çünki Ermənistan münaqişə şəraitində strateji seçim etməli olacaq. Üstəlik, əhəmiyyətli dalğalanmalar fonunda bu seçim daha da çətinləşəcək”, - deyə rusiyalı ekspert qeyd edib.
Musavat.com
