SHAMAN təxəllüsü ilə tanınan rusiyalı müğənni Yaroslav Dronov Sankt-Peterburqda solo konserti zamanı simvolik "qırmızı düymə"ni basıb.
Publika.az xəbər verir ki, konsert Birinci Kanal tərəfindən yayımlanıb.
Düymə qara çamadanın içində olub. ŞAMAN "Mən rusam” sözlərini söyləyən zaman düyməni basıb, bundan sonra səhnədə alovlu atəşfəşanlıq başlayıb.
Daha əvvəl Dronovun konsert direktoru Sergey Lavrov ifaçının konsert üçün qonorarını açıqlamışdı. Onun sözlərinə görə, SHAMAN hər tamaşadan iki milyondan üç milyon rubla qədər qazanır. Bundan əlavə, müğənninin 50 min avrodan 100 min avroya qədər olan ən bahalı korporativ tədbirləri var.
