Rusiya çempionatında çıxış edən “Ximki” futbol klubunun bədən tərbiyəsi üzrə məşqçisi Serxio Covanni futbolçuların içə biləcəyi pivənin icazə verilən miqdarını açıqlayıb.
Musavat.com "Match TV"-yə istinadən xəbər verir ki, italiyalı mütəxəssis oyundan sonra pivə içməyin tamamilə normal olduğunu qeyd edib. “Məsələ kəmiyyətsədir. Təbii ki, bir litr pivə içsəniz, çox yaxşı deyil. Bu həyatda qeyri-məhdud miqdarda istehlak edilən hər şey zərərlidir. Bir anda iki litr su içsəniz belə, bu, pisdir”, - Giovanni vurğuladı.
Rusiya klubunun məşqçisinin fikrincə, futbolçuların özlərini bir stəkan pivə ilə məhdudlaşdırması daha yaxşıdır. “İnanıram ki, oyunçulara hər şeydən qadağa qoyulmamalıdır. Onlarla danışmaq və müəyyən hərəkətlər etsə nə olacağını izah etmək lazımdır”, - deyə mütəxəssis əlavə edib.
Avqustun 28-də Moskva “Dinamo”sunun baş məşqçisi Marsel Lika matçlardan sonra futbolçular üçün pivənin qazlı sudan daha üstün olmasından danışıb və deyib: "Pivə həmişə kola və ya “Fanta”dan yaxşıdır, lakin heç bir halda onu aşmaq və beş-yeddi şüşə içmək lazım deyil - spirt bədənə pis təsir edəcək! Oyundan sonra bir-iki butulka yaxşıdır”.
Musavat.com
