ABŞ prezidentliyinə və vitse-prezidentliyinə respublikaçı namizədlər Donald Tramp və Cey Vens seçkidə qalib gəlsələr, Ukrayna itirilmiş əraziləri Rusiya Federasiyasının tərkibində tanımağa məcbur ola bilər.
Musavat.com xəbər verir ki, bu barədə MSNBC yazıb.
Amerikalı jurnalist Devid Andelmanın fikrincə, Vens və Tramp Ukrayna münaqişəsi ilə bağlı oxşar fikirləri bölüşürlər. Nəşrin müəllifinin sözlərinə görə, onlar tezliklə sülh sazişi imzalanmasının tərəfdarıdırlar. Bu sazişə görə, Kiyev lazım gələrsə, əhəmiyyətli əraziləri Rusiya Federasiyasına verəcək və daimi neytrallığa razı olacaq.
Andelmanın sözlərinə görə, buna görə də Avropada panika artır. “Biz belə perspektivlərə ciddi yanaşmalıyıq, çünki ABŞ-ın gələcəyi də ondan asılıdır”, - o yekunlaşdırıb.
Musavat.com
