Xəbər verdiyimiz kimi, “Qarabağ” Azərbaycan çempionatında 2021/2022 mövsümünü qızıl medallarla bitirib.
“Qafqazinfo” xəbər verir ki, medalların və kubokun təqdim edilməsi mərasimində yaddaqalan anlar yaşanıb.
Belə ki, mərasimə qatılan Vətən Müharibəsi şəhidi Məhəmmədəli İbrahimlinin atası Mütəllim Mütəllibova qızıl medal təqdim olunub. Daha sonra o, klubun futbolçuları ilə birgə kuboku başı üzərinə qaldırıb.
Qeyd edək ki, şəhid Məhəmmədəli İbrahimli “Qarabağ” klubunun azarkeşi olub.
