Polşa Silahlı Qüvvələrinin Operativ Komandanlığı Rusiyanın Ukrayna ərazisində artan fəaliyyətinə cavab olaraq Polşa və müttəfiq ölkələrin növbətçi qırıcılarının havaya qaldırıldığını açıqlayıb.
Musavat.com xəbər verir ki, məlumat sosial şəbəkə X üzərindən yayılıb.
“Polşa və müttəfiq ölkələrin aviasiyası tapşırıqların icrasına başlayıb, hava hücumundan müdafiə və radiolokasiya kəşfiyyatı sistemləri isə ən yüksək döyüş hazırlığı vəziyyətinə gətirilib”, – deyə rəsmi bəyanatda bildirilib.
Komandanlıq əlavə edib ki, bu addımlar tamamilə müdafiə xarakteri daşıyır və Polşa ərazisinin təhlükəsizliyini təmin etməyə yönəlib.
Musavat.com
