Bakının Sabunçu rayonunda bir nəfər dənizdə batıb.
Musavat.com "modern.az"a istinadən xəbər verir ki, hadisə Pirşağı qəsəbəsində baş verib.
Belə ki, 2001-ci il təvəllüdlü Əhmədov Novruz Elnur oğlu dənizdə çimərkən boğulub. Onun meyiti sudan çıxarılaraq aidiyyəti üzrə təhvil verilib.
Faktla bağlı araşdırma aparılır.
Məlumata görə, N.Əhmədov Bakıda kirayədə yaşayırmış. O, Odlar Yurdu universitetinin üçüncü kurs tələbəsi olub.
