“Avropa İttifaqının xarici işlər və təhlükəsizlik üzrə ali nümayəndəsi Cozep Borrelin Cənubi Qafqazda sülhə nail olmaq üçün tarixi imkanın mövcudluğu ilə bağlı bəyanatıyla razıyam”.
Musavat.com erməni mediasına istinadən xəbər verir ki, bunu Ermənistan parlamentinin regional və Avrasiya inteqrasiyası üzrə daimi komissiyasının sədri Vaqarşak Akopyan deyib.
“Hesab edirəm ki, bu gün Azərbaycan və Ermənistan arasında sülh müqaviləsinə alternativin olmadığı barədə qarşılıqlı anlaşma var. Bu, son dövrlərdə əldə etdiyimiz ən böyük nailiyyətlərdən biridir. Ermənistan sülh müqaviləsi imzalamağa doğru irəliləyir”, - deyə Akopyan bildirib.
Musavat.com
