“2020-ci ilin yayında, 44 günlük müharibədən əvvəl Ermənistan rəhbərliyi yeni “Ermənistan Respublikasının Milli Təhlükəsizlik Strategiyası”nı qəbul etdi. Yeni strategiyada əsaslı dəyişikliklərdən biri “Dağlıq Qarabağ Respublikası” siyasi termini əvəzinə heç bir siyasi və hüquqi anlamı olmayan “Dağlıq Qarabağ” coğrafi adından istifadə edilməsi olub”.
Musavat.com erməni mediasına istinadən xəbər verir ki, bu barədə yerli ekspert Benyamin Matevosyan teleqram kanalında yazıb.
“Məhz o zaman, müharibədən öncə, Paşinyan (qondarma) “DQR”in statusu ilə bağlı siyasəti dəyişdirdi, Araik Arutyunyan və “DQR”in bütün rəhbərliyi isə susdu. 24 aprel 2023-cü il tarixində Ermənistan Respublikası Hökumətinin rəsmi Tvitter səhifəsində “soyqırım” ifadəsinin əvəzinə “Mets Yehern” (Böyük fəlakət) ifadəsi işlədilib. Paşinyan “soyqırım”ı da təslim edir”, - deyə erməni ekspert yazıb.
Musavat.com
