“Son günlər 5-6 məktəbdə olmuşam. Bütün tədbirlərimiz dövlət himni ilə başlayır və biz 6 fərqli variantda, 6 fərqli temp, 6 müxtəlif mətndən ibarət Ermənistanın dövlət himnini dinlədik”.
Musavat.com xəbər verir ki, bunu Ermənistanın baş naziri Nikol Paşinyan Kotayk rayonunun Katnağbyur (Mehribanlı) kəndində yeni tikilmiş əsas məktəbin açılışı zamanı deyib.
“Bu da problemdir, himni hansısa dövlət qurumunda bu templə, digərində isə başqa tempdə və ya başqa mətnlə ifa etmək olmaz”, - deyə Paşinyan bildirib.
Xatırladaq ki, Nikol Paşinyan bu yaxınlarda Ermənistan dövlət himninin mətninin dəyişdirilməsini təklif edib.
Musavat.com
