PEC, Digital VED, GTL və Logita Trade nəqliyyat şirkətləri iyulda Mərkəzi Asiya bankları vasitəsilə ödənişlərdən imtinaların payında artım qeydə alıblar.
Musavat.com RBC-ya istinadən xəbər verir ki, göstərici 30 faizə qədər artım göstərib.
Bu şirkətlərin hazırladığı icmala görə, söhbət Qazaxıstan, Qırğızıstan, Özbəkistan və Tacikistandan gedir. Mütəxəssislər bu ölkələrlə ödənişlərin reallaşmasının orta müddətinin iyun ayı ilə müqayisədə iyulda təxminən 15 faiz artaraq iki həftəyə çatdığını qeyd edirlər.
PEC-in maliyyə direktoru Roman Romaşevski qeyd edib ki, mövcud çətinliklər bu ölkələrdə bankların tələblərinə əməl olunmasının sərtləşməsi ilə bağlıdır. O bildirib ki, kredit təşkilatları getdikcə daha çox əlavə sənəd və izahat tələb etməyə başlayıb. Artan problemlərin 2024-cü ilin ikinci rübündə müşahidə olunmağa başladığı vurğulanır: Onlar milli valyutalarda ödəniş edərkən yaranır.
Daha əvvəl “İzvestiya” ən böyük bankların vahid QR kodu yaratmaq üçün konsorsiuma qoşulacağını bildirmişdi. Kredit təşkilatları Rusiya Mərkəzi Bankının sanksiyaya məruz qalan Milli Ödəniş Kartı Sisteminə (MSCP) alternativ olaraq belə bir xidmətin yaradılması barədə razılığa gələ bilib.
Musavat.com
