ABŞ-da Şimali Karolinadan olan müəllim 16 dəfə 15 və ya daha kiçik yaşda olan tələbəyə təcavüz etdiyi üçün həbs edilib.
Bu barədə "The Salisbury Post" məlumat yayıb.
42 yaşlı Sarah Ketlin Major fevralın 22-də nəzarətə götürülüb. Ona qarşı istintaq 2023-cü ilin oktyabrında, qurbanın polisə müraciətindən sonra başlayıb.
İstintaqın məlumatına görə, müəllim oğlanla Solsberidə ibtidai məktəbdə oxuyarkən tanış olub. Major onunla 2019, 2020, 2021 və 2022-ci illərdə, o artıq orta məktəbdə oxuyarkən cinsi əlaqədə olub.
Müəllim özü də Solsberi məktəbindən köçüb və ştatın digər təhsil müəssisələrində işləyib. Qadın hazırda Rowan County həbsxanasında saxlanılır.
Onun girovla həbsxanadan çıxmağı üçün 900 min dollar ödənilməlidir. (Publika.az)
