Tehran metrosunun ikinci xəttində yerləşən "Fədək" stansiyasında gənc güllələnib.
Musavat.com xəbər verir ki, bu barədə "Azad İran" "Telegram" kanalı sosial şəbəkələrdə yayılan videogörüntülərə əsasən xəbər yayıb.
Videogörüntüdə güllələnən gənc stansiyanın döşəməsində qan içində qalıb.
Məlumata görə, həmin gənci mülki geyimli silahlı şəxs vurub, daha sonra hadisə yerində hökumət qüvvələri insanların həmin anları çəkməsinə mane olublar.
Qeyd olunub ki, hələlik güllə yarası alan gəncin vəziyyəti, mülki geyimli qüvvələrin ona hansı səbəbdən atəş açması bəlli deyil.
