Belarus lideri Aleksandr Lukaşenko “Belarusun nasist işğalçılarından azad edilməsinin 80 illiyi ilə əlaqədar amnistiya haqqında” qanunu imzalayıb.
Musavat.com xarici agentliklərə istinadən xəbər verir ki, sənəd hüquqi aktların rəsmi dərci üçün portalda yerləşdirilib.
Qeyd edək ki, bir gün əvvəl Lukaşenko bir sıra ağır xəstə siyasi məhbusları, ilk növbədə xərçəng xəstələrini azad etməyi planlaşdırdığını bildirmişdi. Lakin sənədin mətninə əsasən, amnistiya siyasi məhbuslara şamil edilməyib.
Bundan başqa, amnistiya təkrar cinayət törətmiş şəxsləri, o cümlədən ömürlük azadlıqdan məhrum olunanları əhatə etməyib.
Musavat.com
