Livanın xarici işlər naziri Yusif Raci iranlı həmkarı Abbas Araqçi ilə şiə təşkilatı Hizbullahın yaratdığı silah probleminin həlli üçün yeni bir yanaşmanı müzakirə edib.
Musavat.com xəbər verir ki, nazirlik rəhbəri rəhbəri bu açıqlamanı Beyrutda ikitərəfli danışıqlardan sonra keçirilən mətbuat konfransında verib.
"Elnashra" xəbər portalının verdiyi məlumata görə, Raci bildirib ki, "Hizbullah" Livanı və şiə icmasını İsraildən qoruya bilməyib: "Buna görə də əlindəki silahların indi Livan dövlətini zəiflətmək üçün bəhanə olmasına icazə verə bilmərik."
Nazir izah edib ki, respublika hökuməti vəd edilmiş beynəlxalq maliyyə yardımının alınmasında gecikmələr səbəbindən ölkənin cənubundakı hərbi əməliyyatlar zamanı dağıdılmış kəndləri bərpa etməyə başlaya bilmir: "Livana lazımi yenidənqurma dəstəyini verə bilən dövlətlər şiə təşkilatının tərksilah edilməsini ilkin şərt kimi qoyurlar".
Xarici işlər naziri “bildirib ki, rəsmi Beyrut “İran yardımının birbaşa Livan dövlətinə yönəldilməsi”ni istəyir. O, həmçinin həmkarından "mövqeləri Livanın daxili işlərinə açıq-aşkar müdaxiləni təmsil edən" "bəzi İran rəsmilərinə" təsir göstərməsini istəyib.
Cavab olaraq, Əraqçi İranın Livanla dostluq münasibətlərində və qarşılıqlı faydalı ticarət və iqtisadi əməkdaşlığın inkişafında maraqlı olduğunu bildirib. Nazir iddia edib ki, "biz "Hizbullah"ı dəstəkləyirik, lakin onun qərarlarına müdaxilə etmirik".
Musavat.com
