Livanda Azərbaycan şəhidlərinin xatirəsinə ucaldılmış abidə artıq yerli gənclərin ziyarətgahına çevrilir.
Musavat.com yerli mediaya istinadən xəbər verir ki, Kavaşra qəsəbəsində gənclər evləndiyi zaman həmin bölgədə Azərbaycan şəhidləri üçün ucaldılmış abidəni ziyarət edirlər.
Bildirilir ki, bu artıq ənənə halına gətirilib. Gənclər Azərbaycan şəhidlərini öz şəhidləri kimi qəbul edir və abidənin önündə təzim edirlər.
Qeyd edək ki, 2022-ci ilin 8 noyabr tarixində Zəfər bayramı münasibəti ilə Azərbaycan Respublikasının Livandakı Səfirliyinin sabiq müvvəqqəti işlər vəkili Şahin Pənahov tərəfindən xatirə abidəsi ucaldılıb.
