"Bəzi məlumatlara görə, azərbaycanlılar dünən hərbçi olan sərnişinlərdən birini (Laçın) keçid məntəqəsindən (Qarabağa) keçməyə imkan verməyiblər. Bu o deməkdir ki, onların müvafiq məlumat bazası var".
Musavat.com Ölkə.Az-a istinadən xəbər verir ki, bu barədə İrəvanın "Hraparak" nəşri yayıb.
Qarabağ ermənilərini Laçın NBM-indən istifadə etməməyə çağıran qəzet yazır ki, bu vəziyyət onlar üçün acınacaqlı reallıqdır.
"Rusiya sülhməramlıları və Rusiya faktoru artsaxda (Qarabağda) hər hansı rol oynamağı tamamilə dayandırıb".
Nəşr qeyd edir ki, buranın erməniləri azərbaycanlılarla üzbəüz qalıb və onlar Ermənistan hakimiyyətindən də kömək gözləyə bilməzlər, çünki onların Qarabağla bağlı siyasəti artıq heç kim üçün sirr deyil.
