“Yaponiyanın Kuril adalarının bir hissəsinin Rusiyanın qeyri-qanuni işğalı altında olması ilə bağlı ittihamını qəbul etmirik”.
Azpost.info xəbər verir ki, bunu Kremlin sözçüsü Dmitri Peskov bildirib.
“Biz məsələnin bu cür təqdim edilməsini qəbul etmirik. Kuril adaları Rusiyanın ayrılmaz hissəsidir”, – Peskov deyib.
Yaponiya Xarici İşlər Nazirliyi diplomatiya ilə bağlı illik hesabatında bildirib ki, Kuril adalarının cənub hissəsi ölkənin suverenliyinə tabe olan və Rusiyanın qeyri-qanuni işğalı altında olan Yaponiya ərazisidir. Tokio bu məsələni ikitərəfli münasibətlər çərçivəsində həll olunmamış məsələlərin ən ciddisi hesab edir.
