Kirayə haqqını ödəyə bilməyən tələbə gizlicə ticarət mərkəzində pilləkənlərin altında yarım il yaşayıb. Mühafizəçilər bu barədə ancaq yarım il sonra xəbər tuta biliblər.
Musavat.com Oxu.az-a istinadən xəbər verir ki, qəribə hadisə Çində yaşanıb.
Məlumata görə, zirəng gənc özünə çadır qurub, hətta ayrıca masa, kompüter və stul üçün də yer düzəldib. Üstəlik, bütün bu müddət ərzində qadcetlərini doldurmaq üçün ticarət mərkəzindəki elektrik yuvalarılndan istifadə edib.
Ancaq altı ay sonra mühafizəçilərdən biri onu görüb. Tələbə imtahanlara hazırlaşmaq üçün yer lazım olduğunu bildirib, mühafizəçinin ona yazığı gəlib və heç kimə bu barədə deməyib.
Bununla belə, gənc tezliklə başqa bir mühafizəçi tərəfindən aşkar edilərək polisə təhvil verilib.
