Ermənistanın paytaxtı İrəvanda Rusiya ordusuna dəstək məqsədli aksiya keçirilib.
Musavat.com "Sputnik"ə istinadən xəbər verir ki, aksiyada Rusiyanın Ukraynada həyata keçirdiyi işğala dəstək ifadə edilib. Aksiya iştirakçıları bildiriblər ki, onlar könüllü olaraq Rusiyanın xüsusi hərbi əməliyyatında iştirak etmək üçün Donbasa getməyə hazırdılar: “Biz, Ermənistanın könüllüləri sizdən xahiş edirik ki, bizi ukraynalı millətçilərə və beynəlxalq terrorçulara qarşı xüsusi əməliyyat zonasına aparasınız. Erməni könüllülər olaraq Rusiya prezidenti Vladimir Putinin siyasətini qətiyyətlə dəstəkləyirik və bu gün xüsusi əməliyyat zonasına getməyə hazırıq”, - deyə onlar Rusiyanın İrəvandakı səfirliyinə müraciətlərində qeyd ediblər.
Musavat.com
