Tesla və SpaceX-in milyarder rəhbəri İlon Mask narkoman olduğu barədə şayiələrə cavab olaraq narkotikdən istifadə etmədiyini bildirib.
Musavat.com zəbər verir ki, bu barədə "Forbes" nəşri yazır.
Sahibkar əlavə edib ki, üç il ərzində qadağan olunmuş maddələrin təsadüfi sınaqları onun orqanizmində cüzi miqdarda narkotik və ya spirt olmadığını göstərib. Maskın vəkili Aleks Spiro da əvvəllər testin heç vaxt müsbət olmadığını təsdiqləmiş və iş adamına qarşı irəli sürülən ittihamları rədd edərək, onların “yalan faktlar” olduğunu söyləyib.
Bir gün əvvəl “The Wall Street Journal” Maskın şirkətlərinin top-menecerlərinə istinadən yazıb ki, milyarder narkotikdən istifadə edir və onun asılılığı Tesla və SpaceX direktorlar şurasının üzvləri arasında narahatlıq yaradır. Nəşr bildirir ki, altı şirkət, təxminən 1 trilyon dollar dəyərində investor aktivləri, on minlərlə iş yeri və ABŞ-ın kosmik proqramının bir hissəsi Maskın sağlamlığından asılıdır.
Qəzetin yazdığına görə, iş adamı 2018-ci ildən 2021-ci ilə qədər iştirak etdiyi məclislərdə qanunsuz maddələrdən istifadə edib. "Forbes" həmçinin yazır ki, 2018-ci ildə Musk Co Rogan Experience podkastını yazarkən videoda marixuana çəkib, bundan sonra Beynəlxalq Kosmik Stansiyaya astronavtların göndərilməsini təsdiqləyib. 2023-cü ilin iyununda milyarderin kənar dünyanın qavrayışını pozan və şüurun normal fəaliyyətinin pozulmasına səbəb verən dissosiativ maddə olan ketaminin kiçik dozalarının köməyi ilə depressiyanın öhdəsindən gəlməyə çalışdığı barədə məlumatlar da ortaya çıxıb.
Musavat.com
