Fransanın Ruan şəhərində polis sinaqoqu yandırmağa cəhd edən şəxsi güllələyib.
Musavat.com xarici KİV-ə istinadən xəbər verir ki, bu barədə ölkənin daxili işlər naziri Jerald Darmanen məlumat verib.
"Ruanda polis şəhər sinaqoqunu yandırmağı planlaşdıran silahlı şəxsi zərərsizləşdirib", - deyə nazir "x" sosial şəbəkəsində yazıb.
“Le Parisien” qəzetinin polisdəki mənbəyə istinadən verdiyi məlumata görə, həmin şəxsin üzərində bıçaq və dəmir çubuq olub. O, polisə yaxınlaşmaq istəyəndə onlar xidməti silahdan atəş açıblar.
Musavat.com
