Fransa Milli Assambleyasının (parlamentin aşağı palatası) üzvləri pensiya islahatının dayandırılmasını nəzərdə tutan düzəlişi qəbul ediblər. Musavat.com xəbər verir ki, düzəliş pensiya islahatının 2027-ci ilə qədər dayandırılmasını nəzərdə tutur.
Milli Assambleyanın saytında yayımlanan iclasda aşağı palatanın spikeri Yael Bron-Pivet elan edib ki, “dəyişiklik qəbul edildi". Parlamentin 255 üzvü layihənin lehinə, 146-sı isə əleyhinə səs verib. Səsvermədə cəmi 505 üzv iştirak edib, onlardan 104-ü bitərəf qalıb. Beləliklə, Fransa dünyada pensiya yaşının artırılması planından müvəqqəti də olsa imtina edən ilk ölkə olub.
Daha əvvəl Sebastyan Lekornunun hökuməti Sosialist Partiyasına güzəştə gedib və təqaüd yaşını 62-dən 64-ə qaldıracaq populyar olmayan 2023-cü il pensiya islahatının dayandırılmasını nəzərdə tutan düzəlişi parlamentə təqdim etməyə razılaşıb. Sosialistlər buna cavab olaraq parlamentə etimadsızlıq təklifini dəstəkləmədilər və bu da Lekornunun hökumətinin mövcudluğuna imkan verib.
Musavat.com
