Gorusun Dığ kəndi istiqamətində Ermənistanın törətdiyi təxribatın ardınca Qarabağdakı separatçılar da aktivləşib.
Musavat.com xəbər verir ki, dünən axşam Xocavənd bölgəsində iki, bu gün isə Əsgəran istiqamətində dörd dəfə atəşkəs pozuntusu qeydə alınıb. Bu barədə sülhməramlılara istinadən Rusiya Müdafiə Nazirliyi məlumat yayıb.
Ölən və yaralananların olmadığı bildirilir. İnformasiya bülleteninə əsasən, RHK komandanlığı Ermənistan (?-M.) və Azərbaycan tərəfi ilə birlikdə bu faktlarla bağlı araşdırma aparır. Bu dəfə də Rusiya erməni separatçılarının cinayətini ört-basdır edib.
Musavat.com
