Aprelin 1-dən Ermənistanda qazın yeni tarifləri qüvvəyə minib.
Musavat.com bu barədə erməni mediasına istinadən xəbər verir. Məlumata görə, adi istehlakçılar üçün qazın qiyməti 4,7 dram artaraq, 1 kubmetr üçün 143,7 drama çatıb. Aprelin 1-dən ayda 10 min kubmetrdən çox qaz istehlak edən müəssisələr üçün təbii qazın qiyməti 3,9 faiz, istixana təsərrüfatları üzrə isə 4,5 faiz artıb. Ancaq sosial təminatı olmayan, sosial müavinət alan ailələr üçün qazın tarifi dəyişməz qalacaq - hər kubmetr üçün 100 dram.
Qeyd edək ki, Rusiya aprelin ilk günündən Ermənistana satdığı qazın qiymətini artıracağı haqda xəbərdarlıq etmişdi.
Musavat.com
