Ermənistan və Azərbaycanın dövlət strukturları arasında yazışmalar böyük narahatlıq doğurur.
Musavat.com erməni mediasına istinadən bildirir ki, belə bir iddia ilə “Voskanapat” analitik mərkəzinin direktoru, politoloq Hrant Melik-Şaxnazaryan çıxış edib.
Ekspertin iddiasına görə, İrəvanla Bakı arasında yaranan gərginlik Ermənistan tərəfinin yeni təhlükələrlə üz-üzə qalmasından xəbər verir. Erməni politoloq deyib ki, Ermənistan özünü eskalasiyadan sığortalamağa çalışır, Azərbaycan tərəfi isə mütəmadi olaraq yeni tələblər irəli sürür.
“Bakının məqsədi əraziləri minalardan təmizləmək deyil, Ermənistan ərazisi vasitəsilə Naxçıvanla əlaqə yaratmaq, Ermənistanla sərhəddə yaxşı postlar tutmaq və yeni ərazilər “qoparmaq”dır”- Melik-Şaxnazaryan cəfəng iddiasını davam etdirərək bildirib.
Musavat.com
