Türkiyə Prezidenti Rəcəb Tayyib Ərdoğan Prezident Kabinetinin 8 saat davam edən iclasından sonra jurnalistlərin suallarını cavablandırıb.
Musavat.com xəbər verir ki, Ərdoğanın sözlərinə görə, Türkiyə-Azərbaycan münasibətləri bütün dünyada qibtə ilə izlənir.
Türkiyə lideri vurğulayıb ki, iki qardaş ölkə hər zaman bir-birinin yanında olub:
"Azərbaycan nə zaman dara düşsə, ilk yardıma qaçan biz olmuşuq. Bizim nə vaxt ehtiyacımız olsa, qardaşlarımızı yanımızda görmüşdük. Əsrin fəlakəti olan Kahramanmaraş zəlzələsində küçədəki vətəndaşdan dövlət başçısına qədər Azərbaycanın sərgilədiyi mövqeyi əsla unutmayacağıq".
Musavat.com
