27 yaşlı ukraynalı model Alona Savçenko Taylandın Banqkok şəhərində 25 yaşlı sevgilisi Yan Yerzi Laqoda-Filippovla qaldığı otel otağında sevgilisi tərəfindən qətlə yetirilib.
Musavat.com xəbər verir ki, qatil sevgilisini otel otağında öldürüb cansız bədənini tikə-tikə doğrayıb qaçmağa çalışarkən sərhəddə yaxalanıb.
Cütlüyün cinayətdən öncə otel otağına gedərkən görüntüləri yayılıb. Gənc modeli naməlum səbəbdən öldürən qatil ertəsi gün əlində çamadanla oteldən tək çıxarkən otel işçiləri şübhələnib və polisə məlumat veriblər. Qatilin mindiyi taksi sürücüsü də onun şübhəli davranışını görəndə otelə məlumat verib. Taksi sürücüsünün xəbərdarlığından sonra otel işçiləri otağa daxil olanda modelin əlləri, qolları və ayaqları kəsilmiş halda cansız bədənini görüblər.
Polis qrupları qatili ölkədən qaçmağa çalışarkən sərhəddə yaxalayıb.
Musavat.com
