Danimarka erməniləri bu ölkədə işgüzar səfərdə olan Ermənistanın baş naziri Nikol Paşinyanı piketlə qarşılayıb.
Musavat.com-un xəbərinə görə, yayılan videogörüntülərdə erməni icmasının bir neçə üzvünün “Ar olsun” şüarları səsləndirdiyi görünür.
Bir az sonra onlara Ermənistan konsulluğunun əməkdaşları yaxınlaşıb.
“Vətənimizi satanı müdafiə edirsən, vətənimizi satanı bura gətirdin, o, nə danışacaq? Ermənistanda zorakılığı dayandırın”, - deyə etirazçı qadınlardan biri bildirib.
Piket iştirakçılarının sözlərinə görə, Paşinyan Ermənistan xalqını təmsil etmir.
Musavat.com
