“Rusiya-Ukrayna danışıqları bu gün davam etdiriləcək".
Bu barədə TASS məlumat yayıb. Görüşün videokonfrans formatında təşkil olunacağı qeyd edilib. ATƏT-in fəaliyyətdə olan sədri, Polşanın xarici işlər naziri Zbiqnev Raunun İrəvana səfəri başlayıb. Bu barədə Ermənistan Xarici İşlər Nazirliyinin mətbuat katibi Vaan Hunanyan bildirib. Ermənistan Xarici İşlər Nazirliyində onu nazir Mirzoyan qarşılayıb.
Rau Ermənistanın baş naziri Nikol Paşinyan və prezident Vaaqn Xaçaturyanla da görüşəcək. Bundan əvvəl ATƏT-in fəaliyyətdə olan sədri Tbilisi və Bakıda səfərdə olub. Səfərin məqsədi Cənubi Qafqazda əməkdaşlığın, dialoqun və sabitliyin inkişafına töhfə verməkdir.
Rusiya Dövlət Dumasının Müdafiə Komitəsi sədrinin müavini Aleksandr Şerin Azərbaycanı və Yaponiyanı hədələyib. “Realist” informasiya agentliyinə müsahibəsində Şerin hər iki ölkə haqqında təhdid xarakterli fikirlər səsləndirib: “Kimsə Rusiyanın güclü və zəif tərəflərini hiss etməyə çalışırsa, o zaman yaxşı işləyən “Kalibre” və “İskəndər”lər hiss edəcəklər. Hazırki prosesdə fürsətdən istifadə edən bəzi dövlətlər hiyləgərcəsinə Rusiya ilə münasibətləri gərginləşdirməyə çalışır, bəzi həll olunmamış ərazi məsələləri ilə bizi şantaj edirlər. Bununla bağlı həm Yaponiyadan, həm də Azərbaycanın nazirlik və idarələrindən müvafiq bəyanatlar verilir. Mən Tokio və Bakıya xəbərdarlıq edirəm. Rusiyanın müxtəlif istiqamətlərdə və dövlətinin sərhədlərində öz ölkəsinin tam təhlükəsizliyini təmin etmək üçün bütün qüvvə və vasitələri var. Əgər kimsə bizim döyüş effektivliyimiz və dövlətimizin Ukrayna istiqamətində qüdrəti barədə nəticə çıxarmağa çalışırsa, demək istəyirəm ki, ehtiyatlar hətta cəlb olunmayıb, ən güclü silah növləri isə hələ istifadə olunmayıb”.
Bu və gündəmdəki bir çox xəbərlərin təhlilini bu gün saat 14.00-də aparıcı Sevinc Telmanqızının təqdimatında “Canlı debat”da, politoloq Qabil Hüseynli ilə müzakirədə izləyəcəksiz. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/user/TVmusavat
Musavat.com
