Dekabrın 24-ü Nigeriyanın Plato əyalətində silahlı qruplaşmalar kənd icmalarına hücum edib.
Musavat.com xəbər verir ki, bu barədə “Amnesty International Nigeria” məlumat yayıb.
Qeyd olunub ki, bölgədə 20 icmaya qarşı edilən silahlı hücumlarda ölənlərin sayı 160-ı keçib.
Təşkilat rəsmiləri bildirib ki, silahlılar əsasən Barkin-Ladi və Bokkos şəhərləri ətrafındakı icmaları hədəf alıb.
Hücumlar kənd yerlərində baş verdiyi üçün ölənlərin sayının arta biləcəyi bildirilib.
Bokkos yerli hökumət rəsmilərinin verdiyi açıqlamada qeyd edilib ki, 300-dən çox yaralı xəstəxanalara yerləşdirilib.
Musavat.com
