2023-cü ilin yekununda Rusiyaya ət məhsullarının idxalı təxminən 600 min ton təşkil edəcək ki, bu da ötən ilin göstəricisindən 30 min ton çoxdur.
Musavat.com xəbər verir ki, bu barədə “Rossiya-24” telekanalına müsahibəsində “Rosselxoznadzor”un rəhbəri Sergey Dankvert məlumat verib.
Onun sözlərinə görə, Rusiyadan ət məhsullarının ixracında da artım var:
"İdxal nöqteyi-nəzərindən bu il təxminən 600 min tona yaxın olacaq. Bu, ötən illə müqayisədə təxminən 30 min ton çox olacaq. Eyni zamanda, bizim hesablamalara görə, ixrac daha çox olacaq. Nəzərə alsaq ki, diri mal-qara tədarükünün sayı artıb. Qonşu ölkələrə 90 min diri mal-qara, 200 minə yaxın donuz, 150 min qoç tədarük etmişik. Ona görə də ümumilikdə 660 min tona yaxın ixrac var. Vəziyyət kifayət qədər əlverişlidir”.
O, həmçinin qeyd edib ki, hazırda dost olmayan ölkələrdən tədarükdən asılılıq yoxdur.
Dankvert daha əvvəl 2022-ci ildə Rusiyadan ət ixracının idxalı üstələdiyini bildirmişdi. Onun sözlərinə görə, Rusiya ötən il 650 min ton ət ixrac edib, 530 min ton idxal edib.
Musavat.com
