“Qafqazinfo” Türkiyə KİV-ə istinadən xəbər verir ki, son günlər dünya gündəmində olan “Real Madrid”in yeni ulduzu gənc türkiyəli futbolçu Arda Gülərin sevgilisinin kimliyi məlum olub.
Futbolçunun “Qalatasaray”ın qadın basketbol komandasının oyunçusu Duru Nayman ilə sevgili olduğu iddia edilir.
Duru Naymanın Arda Gülərlə görüntüləndiyi və ikilinin sosial şəbəkədə bir-birini izlədiyi ortaya çıxıb.
Qeyd edək ki, Türkiyə millisinin və “Fənərbaxça”nın gənc ulduzu Arda Gülər rəsmən Madrid “Real”ına transfer olunub. İspanlar digər nəhənglərlə apardıqları mübarizədə qalib gələrək 18 yaşlı vinger üçün 20 milyon avro ödəyiblər.
