Britaniyanın əks-kəşfiyyat xidməti MI5 səylərini terrorçularla mübarizədən Rusiya, İran və Çindən olan “casuslarla” qarşıdurmaya yönləndirəcək.
Musavat.com-un xəbərinə görə, “The Telegraph” mənbələrə istinadən yazır ki, bu barədə Böyük Britaniya Nazirlər Kabineti əmr verib.
Hesab olunur ki, bu ölkələrdən gələn təhlükə indi daha aktualdır və terrorla mübarizə paralel aparılır.
Nəşrin həmsöhbəti deyir ki, Rusiyanın marağı guya Londonun Kiyevə fəal dəstəyi ilə bağlıdır. Çinə gəlincə, MI5 əvvəllər Çin kəşfiyyatının sənaye və ya texnoloji sirləri oğurlamağa ümid etdiyini bəyan edib.
Qəzet yazır ki, Çin kəşfiyyat orqanlarının işə götürdüyü mülki vətəndaşların sayı yüz minlərlə ola bilər. Agentlərin elmi ictimaiyyətdə (həm tələbələr, həm də müəllimlər), biznesdə və hətta incəsənətdə olduğu iddia edilir.
Musavat.com
