Macarıstan Avropa İttifaqında (Aİ) səsvermə hüququndan məhrum edilməlidir, xüsusən də ölkənin ittifaqa yaxın sədrliyi kontekstində.
Musavat.com xəbər verir ki, bunu “Politico” qəzetinə müsahibəsində Belçikanın xarici işlər naziri Aja Labib deyib.
“Bizim irəli getmək üçün mübarizə aparan Avropamız var və təəssüf ki, bəzi dövlətlər (xüsusən də bir dövlət) getdikcə daha çox tranzaksiya, bloklama və veto mövqeyindən çıxış edirlər”, - diplomat bildirib.
Labib əlavə edib ki, bu addım Aİ-nin taleyini müəyyənləşdirəcək, çünki bu, daxili çağırışlar qarşısında öz effektivliyini göstərəcək. Onun sözlərinə görə, Macarıstan səsvermə və veto hüququndan məhrum edilməsə, Brüsselin siyasəti ilə razılaşmayan ölkələrə qarşı sanksiyalar mexanizmində islahatlar aparılmalı olacaq.
Bundan əvvəl məlum olub ki, Aİ Ukrayna ilə üzvlüklə bağlı danışıqları iyulun 1-dək sürətləndirmək istəyir. İyulun 1-dən ittifaqa sədrlik Macarıstana keçəcək. Avropa rəsmiləri icmanın genişləndirilməsinə cavabdeh olan Macarıstan komissarı Várhelyi ilə bağlı narahatdırlar. O, təkid edir ki, Ukrayna hələ də etnik azlıqların, o cümlədən Transkarpat macarlarının hüquqlarının müdafiəsi üzrə öhdəliklərini yerinə yetirməyib. Brüssel isə bunu rədd edir.
Ümumilikdə Macarıstanın Ukraynanın əleyhinə, Rusiyanın isə lehinə yeritdiyi xəttə Avropa İttifaqının üzvü olan digər ölkələrdə narahtlıq və narazılıq doğurur.
Musavat.com
