Paytaxtda 15 yaşlı yeniyetmə qətlə yetirilib. Hadisə ötən gecə Xətai rayonunda yerləşən Nizami parkında baş verib. Yeniyetməni şəxsi münasibətlər zəminində özündən bir yaş böyük tanışı döyüb. O, aldığı xəsarətlər nəticəsində xəstəxanaya yerləşdirilsə də, həyatını xilas etmək mümkün olmayıb.
Baş Prokurorluq hadisə ilə bağlı açıqlama yayıb.
Faktla bağlı Xətai rayon prokurorluğunda Cinayət Məcəlləsinin 126.3-cü maddəsi ilə cinayət işi başlanıb. Şübhəli şəxs tutularaq istintaqa cəlb edilib və iş üzrə istintaq davam edir.
