Ermənistanla Azərbaycan arasında hazırlanan sülh müqaviləsi sənədinin yalnız adı dəyişdirilib. Bunu Qarabağdakı qanunsuz rejimin deputatı Akop Akopyan deyib.
“Xatırlayın, Nikol Paşinyan müharibədən sonra dedi ki, beynəlxalq ictimaiyyət Qarabağla bağlı tələbləri azaltmağı tələb edir. Daha sonra isə sülh müqaviləsinin hazırlanması prosesi başladı. Yəni Vaşinqtonda indi müzakirə edilən sənədin adı “Münasibətlərin Nizamlanması Haqqında” olaraq dəyişdirilib. Burada isə vurğulanır ki, Ermənistan və Azərbaycanda yaşayan milli azlıqların maraqlarına hörmət edilməlidir. Faktiki olaraq Paşinyanın tələbləri azaltması nəticəsində Qarabağ təkcə öz müqəddəratını təyin etmək haqqını itirmədi, həm də qarabağlı ermənilər faktiki olaraq 1988-ci ildə Ermənistandan qovulan azərbaycanlılarla haqlar məsələsində eyniləşdirildilər. Nəzəri olaraq, onlar Ermənistana geri qayıtmaq imkanı əldə edəcəklər” – deyə o söyləyib.
O, Qarabağdakı qondarma rejimlə bağlı bundan sonra müsbət gözləntilərə ümid etmədiyini bildirib.
Bu və gündəmdəki bir çox xəbərləri bu gün saat 13.30-da aparıcı Sevinc Telmanqızının təqdimatındakı “Canlı debat” verilişində ReAL Partiyasının icra katibi Natiq Cəfərli ilə müzakirə edəcəyik. Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/tvmusavat
Youtube səhifəsinin ünvanı:
https://www.youtube.com/channel/UCtvU8QAYnxFG
